Фотафакт: Пуцін сярод ночы тэрмінова адправіўся ў Крэмль

Сёння пасярод ночы перад атакай баевікоў у Грозным картэж прэзідэнта Расеі Уладзіміра Пуціна адправіўся ў Крэмль.

Пра гэта паведаміў грамадзянскі актывіст Дзмітрый Алешкоўскі. Актывіст таксама апублікаваў відэа, дзе засняты картэж прэзідэнта Расеі.

Нагадаем, што 4 снежня а 12:00 паводле менскага часу Пуцін павінен выступіць з пасланнем да Федэральнага сходу Расеі.

Аб неспакойнай сітуацыі ў Маскве таксама заявіў журналіст Аркадзь Бабчэнка. З ягоных слоў, над цэнтрам сталіцы Расеі кружаць гелікоптэры, якія звычайна не лётаюць у гэтым месцы, паведамляе glavcom.ua.

«У Маскве пачаўся нейкі рух. Міця Алешкоўскі выкладвае відэа картэжа Пуціна, які ў чвэрць другой ночы імчыцца ў Крэмль, а ў мяне тут над штаб-кватэрай СВР ў Ясенева лётаюць гелікоптэры - у цэнтр і назад - якія па начах звычайна не лётаюць. Гэта ж пацвярджае і Раман Добраахвотаў, які, мабыць, таксама недалёка ад гэтай слаўнай службы пражывае. Штосьці ў хлопцаў там здарылася з тэрміновага, мабыць. Танкаў на Мкаде пакуль яшчэ няма, але, як мы памятаем, дэпутаты сёння ў дзве гадзіны ночы павінны былі ў метро трэніравацца па выратаванні ад ядзернага ўдару. ЗЫ: А вось так з боку пачытаць... Начное пасяджэнне ў Крамлі, гелікоптэры на СВР, дэпутаты ў бамбасховішчах... Шызафрэнія ўжо накрыла гэтую краіну, так», - піша Бабчэнка.

Нагадаем, што гэтай ноччу ў Грозным прагрымеў выбух і адбыліся некалькі перастрэлак, у выніку якіх загінулі, сем баевікоў і пяцёра паліцэйскіх.

У цэнтры Грознага ўведзены рэжым контртэрарыстычнай аперацыі, вядуцца работы ў нейтралізацыі баявікоў, што схаваліся ў адным з будынкаў горада.

Кіраўнік Чачні Рамзан Кадыраў паабяцаў завяршыць аперацыю да раніцы.

Муджахіды, якія гэтай ноччу атакавалі Грозны (Чачня), заяўляюць, што не нясуць страт. У сетцы з'явіўся іх відэазварот.