Юрый Продан: Рэверс газу з Еўропы забяспечыць усе патрэбы Украіны
7- 11.04.2014, 12:12
- 8,723
Украіна зможа забяспечыць сябе газам за кошт уласнай здабычы і рэверсных паставак з Еўразвяза, уключаючы накіраванне праз Славакію.
Пра гэта паведаміў міністр энергетыкі і вугальнай прамысловасці Юрый Продан з трыбуны Вярхоўнай Рады ў пятніцу, перадае "Інтэрфакс-Украіна".
"Свабодная магутнасць праз Славакію - гэта каля 20 млрд куб. м газу ў год, у пераліку на суткі - каля 50 млн куб. м газу ў суткі. З улікам Польшчы і Венгрыі, а гэта - яшчэ каля 20 млн куб. м газу ў суткі - мы ў напружаным рэжыме можам выйсці і прайсці ацяпляльны сезон", - сказаў Продан.
Ён дадаў, што для рэалізацыі такога сцэнара вельмі важнае паўнавартаснае рэсурснае напаўненне рынку газу Еўрапейскага Звяза, у тым ліку захаванне паўнавартасных паставак газу з РФ у ЕЗ.
Па словах міністра, Украіна ўсё ж спадзяецца знайсці кампраміс з Расеяй і выйсці на эканамічна абгрунтаваны, а не "палітычны", кошт паліва.