Рада гатовая ўвесці рэжым НС на Данбасе
3- 16.04.2014, 12:04
- 11,281
Сёння Вярхоўная Рада Украіны можа прыняць рашэнне аб увядзенні надзвычайнага становішча ва ўсходніх абласцях Украіны.
Пра гэта сёння заявіў журналістам перад пачаткам закрытага пасяджэння Рады народны дэпутат, былы член фракцыі Партыі рэгіёнаў Яраслаў Сухі, перадае РБК-Украина.
"Мы заслухаем інфармацыю нашых сілавікоў, міністра ўнутраных спраў Арсэна Авакава, кіраўніка СБУ Валянціна Налівайчанкі, кіраўніка ГПУ Алега Махніцкага. Так, па выніках мы зможам прыняць якое-небудзь рашэнне аб увядзенні становішча (або ваеннага або НС)", - заявіў Сухі.
Дэпутат лічыць, што прыняцце рашэння аб увядзенні НС або ваеннага становішча ў трох усходніх абласцях абумоўлена тым, што "неабходна вырашаць сітуацыю".
"Усё зайшло занадта далёка, і мы бачым, што гэта ўжо не жарты. Я не выключаю, што менавіта такое рашэнне нам прыйдзецца сёння прыняць", - заявіў Сухі.