Улады павялічаць дзяржаўную долю ў ААТ «Кажэўнік»
- 17.04.2014, 12:35
- 3,539
Беларускія ўлады павялічаць долю дзяржавы статутным фондзе адкрытага акцыянернага таварыства «Кажэўнік» у абмен на дзяржпадтрымку.
Адпаведнае рашэнне зацверджана пастановай урада ад 14 красавіка 2014 года №346, піша АФН.
Згодна з дакументам, прадпрыемству ў 2014 годзе будзе кампенсаваная частка адсоткаў за карыстанне крэдытамі «Беларусбанка», атрыманымі ў 2013 годзе. У прыватнасці, будзе кампенсаваная частка адсоткаў у памеры 50% стаўкі рэфінансавання Нацбанка па крэдыце на суму 15 млрд. рублёў і 50% стаўкі па крэдыце на 4,5 млн. еўра.
Дзяржаўнаму камітэту па маёмасці сумесна з Міністэрствам фінансаў і канцэрнам Беллегпрам даручана забяспечыць у 2015 годзе павелічэнне долі дзяржавы ў статутным фондзе ААТ «Кажэўнік» на суму кампенсацыі адсоткаў за карыстанне банкаўскімі крэдытамі.