Штурмам часткі ў Марыупалі кіраваў крымінальнік па мянушцы Футбаліст

Адным з кіраўнікоў штурму вайсковай часткі ў Марыупалі 16 красавіка быў крымінальны аўтарытэт.

Ён вядомы ў Данецкай вобласці пад мянушкай Футбаліст. Пра гэта Левому Берегу паведаміў дарадца міністра МУС Станіслаў Рэчынскі.

Акрамя таго, дарадца міністра паведаміў, што з 63 чалавек, якія былі затрыманыя пасля штурму, міліцыя адпусціла ўжо 25. Паводле яго слоў, гэтым людзям міліцыя нічога не змагла прад'явіць. Затрыманымі застаюцца тыя, у каго пры сабе была зброя, тыя, хто быў у камуфляжы, і тыя, у каго на рукавах былі сляды кактэйляў Молатава.

Рэчынскі таксама паведаміў, што ў тых, хто штурмаваў вайсковую частку пры сабе была вялікая колькасць наркотыкаў, у тым ліку амфетаміну, і запас алкагольных напояў.

Таксама дарадца адзначыў, што міліцыі і ўкраінскім вайскоўцам вельмі дапамагалі жыхары Марыупаля - бралі ўдзел у пагоні і паведамлялі пра сепаратыстаў, якія схаваліся.

Затрымлівала сепаратыстаў падраздзяленне «Амега».

Футбаліст, які пастаянна пражывае ў Даніі, з'яўляецца адным з кіраўнікоў сепаратыстаў у Данецкай і Луганскай вобласці, сказаў Рэчынскі.

Нагадаем, у ноч на чацвер невядомыя распачалі спробу штурму часткі Нацыянальнай гвардыі ў Марыупалі.