«Мірны» штурм часткі ў Марыупалі: кактэйлі Молатава і бітыя аўто
2- 17.04.2014, 18:09
- 22,961
На тэрыторыю атакаванай ноччу вайсковай часткі Нацыянальнай гвардыі ў Марыупалі ненадоўга пусцілі журналістаў.
Пра гэта ў «Фэйсбуку» піша мясцовы актывіст.
«Правінцыйны Марыупаль стаў за ноч сусветнай сталіцай навін. Да поўдня тут былі прадстаўнікі не менш чым дзясятка еўрапейскіх тэлеканалаў і іншыя СМІ...Ачапленне было знятае. На просьбу рэпарцёраў вартавыя на некалькі хвілін упусцілі ўсіх жадаючых унутр часткі. Прэса атрымала цікавыя карцінкі - Молатаў, бітае шкло, астаткі аўто і іншы постапакаліпсіс», - адзначыў ён.
Нагадаем, у ноч на чацвер узброеная групоўка з 300 чалавек атакавала вайсковую частку Нацыянальнай гвардыі ў Марыупалі. Падчас спецаперацыі, якую правялі падраздзяленні МУС, вялікая частка банды была абясшкоджаная і раззброеная. У гэты час працягваецца вышук астатніх, хто нападаў.