ГПУ адкрыла справу па факце захопу двух вайскоўцаў у Данецкай вобласці

У раёне Краснага Лімана захопленыя і вывезеныя ў невядомым кірунку двое вайскоўцаў 25-й асобнай Днепрапятроўскай паветрана-дэсантнай брыгады.

ГПУ адкрыла справу па факце захопу двух вайскоўцаў у Данецкай вобласці.

Па факце захопу і вывазу ў невядомым нкірунку двух вайскоўцаў Данецкай пракуратурай па наглядзе за выкананнем законаў у ваеннай сферы ў АРДР унесеныя звесткі аб крымінальным правапарушэнні, прадугледжаным ч. 2 арт. 147 Крымінальнага кодэкса Украіны (захоп закладнікаў).

Устаноўлена, што 14 сакавіка гэтага года ў раёне горада Красны Ліман Данецкай вобласці невядомымі ўзброенымі асобамі захопленыя і вывезеныя ў невядомым кірунку двое вайскоўцаў 25-й асобнай Днепрапятроўскай паветрана-дэсантнай брыгады Узброеных Сіл Украіны, піша liga.net.

Пасля захопу закладнікаў узброеныя асобы вылучылі камандаванню вайсковай часткі патрабаванні аб складанні зброі асабістым складам гэтай часткі і пагражалі прымяненнем гвалтоўных дзеянняў у дачыненні да захопленых вайскоўцаў у выпадку невыканання гэтых патрабаванняў.

Крымінальная вытворчасць зараз перададзеная ў Следчае ўпраўленне Галоўнага ўпраўлення Міністэрства ўнутраных спраў Украіны ў Данецкай вобласці.

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.

У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.

15 красавіка ў выніку аперацыі ўкраінскіх сілавікоў быў вызвалены захоплены расейскімі дыверсантамі і сепаратыстамі аэрадром горада Краматорск на поўначы Данецкай вобласці.

17 красавіка ўкраінскія вайскоўцы адбілі атаку сепаратыстаў пад кіраўніцтвам афіцэраў ГВУ на вайсковую частку ў Марыупалі на поўдні Данецкай вобласці. Трое нападнікаў былі забітыя, больш за 60 затрыманыя.