Масавыя арышты ўкраінцаў у Расеі

Расейскія спэцслужбы затрымалі 25 грамадзян Украіны нібыта паводле падазрэння ў падрыхтоўцы дыверсій у Расеі, паведамляе тэлеканал НТВ.

«Паводле звестак спецслужбаў, тэракты рыхтаваліся з 14 да 16 сакавіка ў сямі рэгіёнах, у тым ліку ў Растоўскай, Валгаградскай, Цвярской, Арлоўскай, Белгарадскай абласцях, Калмыкіі і Татарстане. Затрыманыя 25 чалавек, сярод якіх трое актывістаў Правага сектара. Яны ўжо пацвердзілі атрыманне інструкцый ад СБУ», - паведамляе расейскі тэлеканал.

Сярод задач дыверсантаў, паводле тэлеканала, здымка перадыслакацыі і перамяшчэння вайсковай тэхнікі ў памежных рэгіёнах і ўсталяванне кантактаў з расейскімі радыкаламі.