The Wall Street Journal: Мір у Еўропе патрабуе амерыканскіх намаганняў

Прэзідэнт ЗША ўсвядоміў, што падтрыманне міру ў Еўропе патрабуе намаганняў з боку Вашынгтона.

"На працягу доўгіх пяці гадоў Барак Абама быў на здзіўленне абыякавы да Еўропы, але, магчыма, агрэсія Раскі стварыла для яго новы прыярытэт. У аўторак у Варшаве ён паведаміў пра новую праграму дапамогі памерам у 1 млрд даляраў і пра іншыя меры, якія сведчаць пра гатоўнасць Амерыкі абараняць Еўропу. Гэта пахвальныя крокі, хоць перадыслакацыя пастаянных войскаў была б яшчэ лепш", - разважае рэдакцыя The Wall Street Journal.

Калі Кангрэс гэта ўхваліць, то ў рамках новай ініцыятывы па забеспячэнні бяспекі Еўропы будуць аплачаныя ўзмацненне амерыканскай ваеннай падрыхтоўкі, вучэнняў і перамяшчэнне салдат і баявых судоў у Еўропе, адзначае WSJ. ЗША таксама дапамогуць Грузіі, Малдове і Украіне "забяспечыць уласную абарону", як гэта сфармуляваў Белы дом.

Па ўсёй Заходняй Еўропе зараз раскіданыя 67 тысяч амерыканскіх вайскоўцаў. Аднак прэзідэнт Абама выпусціў магчымасць зрабіць яшчэ больш важную заяву, не абвясціўшы аб перадыслакацыі войскаў на ўсход, лічыць выданне.

"Іншая выпушчаная магчымасць тычыцца энергетычнай бяспекі", - піша рэдакцыя, адзначаючы павольныя тэмпы стварэння тэрміналаў звадкаванага прыроднага газу ў ЗША для паставак у Еўропу.

Абама і канцлер Германіі Ангела Меркель папярэджвалі Расею аб тым, каб яна трымала свае танкі далей ад Усходняй Украіны. "Пуціну было лёгка зрабіць гэтую ласку, але гэта быў памылковы парог для новых санкцый. Рускія і чачэнскія баевікі сцякаюцца ва Усходнюю Украіну, і для супраціву ўкраінцам патрэбная дапамога сродкамі знішчэння. Прыемна бачыць, што Абама ўсвядоміў, што падтрыманне міру ў Еўропе патрабуе амерыканскіх намаганняў, але Пуцін - такі лідар, які разумее толькі факты ваеннага характару на месцах", - заключае выданне.

Фота: Lukasz Kaminski