Чырвоны Ліман цалкам вызвалены ад акупантаў
15- 4.06.2014, 21:20
- 31,311
Сілы антытэрарыстычнай аперацыі сёння цалкам вызвалілі Чырвоны Ліман Данецкай вобласці ад тэрарыстаў.
Выканаўца абавязкаў прэзідэнта Украіны Аляксандр Турчынаў, які знаходзіцца з візітам у Славянску, заявіў, што ўжо сёння гатовы прыняць пастанову аб аднаўленні дзейнасці ў горадзе органаў улады, а па вяртанні ў Кіеў падрыхтуе указ аб прызначэнні старшыні мясцовай адміністрацыі з ліку вайскоўцаў, паведамляе ТСН.
У Славянску сёння прадоўжыліся баі паміж сіламі антытэрарыстычнай аперацыі і ваеўнікамі, якія спрабуюць вырвацца з горада, засланяючыся цывільным насельніцтвам.
На пачатку чэрвеня сілы антытэрарыстычнай аперацыі пры чынным спрыянні вайсковай авіяцыі і артылерыі правялі адну з самых масавых аперацый за ўвесь час АТА. За 3 чэрвеня каля сяла Сямёнаўка пад Славянскам знішчаны 500 ваеўнікоў, 1,5 тысячы - параненыя. Страты сярод украінскіх вайскоўцаў склалі трое забітых і 50 параненых.