У КНДР пагражаюць ядзерным ударам па Беламу дому і Пентагону

Высокапастаўлены паўночнакарэйскі вайсковец гатовы аддаць распараджэнне аб нанясенні па Беламу дому і Пентагону ядзернага ўдару.

Высокапастаўлены паўночнакарэйскі вайсковец прыстрашыў ЗША нанясеннем ядзернага ўдару па Беламу дому і Пентагону, абвінавачваючы Вашынгтон у дэстабілізацыі сітуацыі на Карэйскім паўвостраве, паведамляе ў панядзелак вэб-сайт сінгапурскай газета "Стрейтс таймс" са спасылкай на паўночнакарэйскую тэлевізію.

"Калі амерыканскія імперыялісты працягнуць пагражаць нашаму суверэнітэту і ставіць нашыя жыцці пад пагрозу, нашыя вайскоўцы накіруюць ракеты з ядзернай зарадам па Беламу дому і Пентагону - крыніцы ўсіх бедаў", - цытуе выданне Хвана Пьёна-Со, які ўзначальвае генеральнае палітычнае бюро народнага войска КНДР.

У прыватнасці, вайсковец згадаў нядаўнія супольныя вайсковыя вучэнні ЗША і Паўднёвай Карэі, якія, на ягоную думку, прычыніліся да эскалацыі напружанасці паміж Поўначчу і Поўднем, піша "Інтэрфакс".

Як паведамлялася, дагэтуль Паўночная Карэя правяла тры ядзерных выпрабаванні: у 2006, 2009 і 2013 гадах.