Калона вайсковай тэхнікі з РФ прарываецца ў Луганск
17- 15.08.2014, 14:47
- 41,245
Колькасць тэхнікі і склад калоны цяпер удакладняюцца.
Калона расейскай вайсковай тэхнікі, якая сёння перасекла мяжу ў раёне пункта прапускання Ізварына, паспрабуе праткнуцца на дапамогу ваеўнікам у аточаным Луганску.
Пра гэта на брыфінгу паведаміў вяшчальнік інфацэнтра РНБА Андрэй Лысенка, паведамляе карэспандэнт ЛІГАБізнесІнформ.
На пытанне, чаму калона не была знішчаная з паветра, Лысенка адказаў, што гэты адцінак мяжы цяпер не кантралюецца сіламі АТА.
"Але я вас запэўніваю: тое, што сюды зайшло, адсюль ужо не выйдзе", - сказаў ён.
Колькасць тэхнікі і склад калоны, паводле ягоных слоў, цяпер удакладняецца.
Нагадаем, уночы ў пятніцу журналіст брытанскай газэты Guardian паведаміў, што на ягоных вачах калона з 20 расейскіх БТРаў і вайсковых грузавікоў перасекла расейска-украінскую мяжу ў раёне Данецка Растоўскай вобласці. Паводле ягоных слоў, заходнія журналісты ўпершыню ўбачылі на свае вочы перасоўванне расейскай вайсковай тэхнікі ва Украіну.
Пазней у РНБА спраўдзілі гэтую інфармацыю.