Авакаў - Ярашу: Хопіць гуляць у Робін Гудаў

Міністр унутраных спраў адказаў кіраўніку «Правага сектара».

Арсен Авакаў абвінаваціў арганізацыю ў падыгрыванні маскоўскай прапагандзе. Пра гэта ён напісаў на сваёй старонцы ў сацыяльнай сетцы «Фэйсбук».

«Пачалося... чарговы інфармацыйны паток, ад забытага «Правага сектара» - на гэты раз прыдумалі «ультыматум прэзідэнту». Выбарамі запахла. Ды і ўвагу трэба пераключыць. А можа Ярашу ўсё ж адказаць за тых 32 чалавекі, што праз тупасць ягонага камандавання бесклапотна заехалі на пост пад Данецкам і былі забітыя і ўзяты ў палон? Можа хопіць будаваць міфічную легенду на крыві і горы? Можа скажа нарэшце дзе гэтыя міфічныя «нашы часткі з фронту» і якой логіцы і плану служаць на вайне? Можа хоць бы скажаце, дзе гэтыя часткі, якія ніхто так і не бачыў, акрамя як на фота і відэа? Каб хоць бы іх часам бачылі не вайсковыя штабісты, а рэальныя баявыя камандзіры рэальных батальёнаў? Можа хопіць гуляць у Робін Гудаў - тупа падстаўляючы тых,хто вераць вам, Яраш, рэальных патрыётаў, каб дагадзіць вашаму патрыятычнаму снабізму?!»- піша Авакаў.

«Піяр больш чым жыццё... Яраш, Яраш - твая праблема ў тым, што ты сваім крыўляннем брутальнага патрыёта падманваеш многіх людзей, што пайшлі за табой у сутнасці ў нелегальныя ўзброеныя фармаванні - без правілаў і асноў, без законаў і парадку. У сутнасці, ператвараючы людзей, што паверылі вам, у бессэнсоўнае гарматнае мяса неарганізаванасці. І ніякая вайна гэта не апраўдае... І гэта не твая асабістая справа. Ты не маеш права распараджацца лёсамі людзей такі спосабам... І ніякая вайна - гэтага не апраўдвае. Наадварот, вайна абцяжарвае такую тваю пазіцыю...», - дадаў Авакаў.

«І два словы пра «самавольства мянтоў»- некалькі дзён таму, на ўездзе ў Львоў была затрыманая група асоб, без дакументаў, якая прадставілася што яны «Правы сектар з фронту»... У багажніку двух аўтамабіляў было тры гранатамёты, пяць аўтаматаў, пісталеты, вінтоўкі, гранаты Ф1... Усяго 24 найменні зброі і боепрыпасаў. Усе без дакументаў і не легальнага... Хай ўвозяць?!! Хай страляюць потым з гранатамёта па мэру Львова Садовым як было ўжо пару тыдняў таму? Гэтага жадае грамадскасць і краіна? Такі парадак хоча Яраш ў краіне? Тады, і праўда яму трэба атакаваць міністра МУС. Таму, што я такое не прымаю... У самыя цяжкія моманты, за апошнія 5 месяцаў жыцця краіны - як быццам спецыяльна падкідваецца праблемка... такая зручная для рускіх СМІ... З нябыту, «схованак», «патрыятычнага падполля» ўсплывае ПС - укідвае чарговую заяву ці ўчынак - падыгрываючы маскоўскай прапагандзе, палохаючы сваімі тупымі ўчынкамі людзей на ўсходзе... Вымушаны спытаць: на каго працуеце Яраш? Ці проста не сябруеце з галавой?... І не трэба мне распавядаць пра Грушэўскага і Інстытуцкую - я там быў, быў ўвесь час - і ведаю праўду аб рэальных героях..», - заявіў Арсен Авакаў.