Павел Клімкін і Сяргей Лаўроў сустрэнуцца ў Берліне
16- 17.08.2014, 21:48
- 11,310
Міністры замежных спраў Украіны і Расеі ў нядзелю сустракаюцца ў Берліне.
У перамовах паміж Паўлам Клімкіным і Сяргеем Лаўровым таксама возьмуць удзел міністры замежных спраў Нямеччыны і Францыі, паведамляе BBC.
Франк-Вальтэр Штайнмаер, міністр замежных спраў Нямеччыны, заявіў, што «перш за ўсё, гаворка ідзе пра дарожную карту і пра рамкі для эфектыўнага памежнага кантролю. Толькі гэтым шляхам усходняя Украіна можа прыйсці да ўрэгулявання, а Кіеў - прадоўжыць нацыянальны дыялог, каб належным чынам уключыць туды людзей на ўсходзе».
«Цяпер нам тэрмінова патрэбныя новыя палітычныя імпульсы - інакш існуе небяспека зноў зрабіць крокі назад і зноў трапіць у разлютаваную спіраль эскалацыі», - дадаў Штайнмаер.