Міністр замежных спраў Канады прыстрашыў Расею «калектыўнымі дзеяннямі»

Расейская агрэсія і запалохванне Украіны павінны атрымаць калектыўны адказ Канады і яе хаўруснікаў.

Пра гэта напісаў міністр замежных спраў Канады Джон Бэрд у «Фэйсбуку».

«Акты расейскай агрэсіі і запалохвання у дачыненні да Украіны прычыняцца да калектыўных дзеянняў. Канада разам са сваімі аднадумцамі і хаўруснікамі павінна выяўна выказацца», - напісаў ён.

Нагадаем, адразу пасля заканчэння перамоў у Менску сэпаратысты перайшлі ў наступ. Учора стала вядома, што ў кірунку населенага пункта Тэльманава на поўдні Данецкай вобласці рухаецца калона вайсковай тэхнікі ў колькасці да 100 адзінак.