Ігар Варанкоў: Здавацца мы не збіраемся
1- 29.08.2014, 20:00
- 6,421
Хаўбэк менскага «Дынама» Ігар Варанкоў рады згуляць супраць італьянскай «Фіярэнціны».
Так ён пракаментаваў вынікі лёсавання групавога этапу Лігі Еўропы.
«Будзе вельмі цікавае спаборніцтва з італійскай камандай. Я задаволены, што нам дасталася «Фіярэнціна». Заўсёды падабаўся італійскі футбол, і мне заўсёды хацелася паспрабаваць свае сілы на ўзроўні італійскага футбола. Што тычыцца ПАОКа і «Генгама», то і Францыя, і Грэцыя - гэта футбольныя краіны, з традыцыямі. Будзем спаборнічаць. Для нас гэта першы вопыт удзелу ў групавым турніры. Мы ўпершыню прайшлі ў футбольную восень, і найлепшым вынікам для нас і для заўзятараў будзе футбольная вясна! Я разумею, наколькі гэта цяжка, але мы не збіраемся здавацца», - заявіў Ігар Варанкоў.
Нагадаем, сёння сталі вядомыя вынікі лёсавання групавога этапу Лігі Еўропы. Менскае «Дынама» ў восеньскай стадыі другога ў значнасці еўракубка згуляе з «Фіярэнціна», ПАОКам і «Генгамам».