Жыхар Гародні распачаў страляніну па мінаках
9- 6.08.2014, 12:31
- 11,651
Блізу 10 стрэлаў з пнеўматычнай зброі па людзях зрабіў жыхар Гародні.
Пра гэта паведамілі ва УУС Гарадзенскай вобласці.
"У дзяжурную частку Кастрычніцкага РАУС Гародні паступіла паведамленне аб хуліганскіх дзеяннях на вуліцы Крамко. Нарад патрульна-паставой службы міліцыі, які аператыўна прыбыў на месца здарэння, затрымаў мужчыну, у якога выявілі пісталет і газавы балончык", - гаворыцца ў паведамленні.
Падчас апытання сведак высветлілася, што 37-гадовы мужчына зрабіў блізу 10 стрэлаў у бок 23-гадовага хлопца, а таксама страляў па іншых грамадзянах.
"Іншыя абставіны гэтага здарэння будуць устаноўлены ў выніку дэталёвай праверкі, а вось пакаранне за такую дурасць мужчыну чакае неабыякае. Распачатая крымінальная справа паводле артыкула "Хуліганства з ужываннем зброі", вінаватага чакае абмежаванне волі ад 3 да 5 гадоў альбо пазбаўленне волі ад 3 да 10 гадоў", - паведамілі ва УУС.