«Добры псіхолаг» з Беларусі збег з расейскай калоніі
2- 27.09.2014, 10:31
- 13,944
З калоніі-пасялення №42, размешчанай у Комі, збег асуджаны за махлярства 38-гадовы беларус Мікалай Клімушка.
Пра гэта сайту charter97.org паведамілі ў Галоўнай управе Федэральнай службы выканання пакарання (ГУ ФСВП).
Адсутнасць Мікалая Клімушкі была выяўленая 25 верасня падчас вячэрняй праверкі ў калоніі.
ГУ ФСВП таксама нагадала, што 38-гадовы беларус быў асуджаны 7 лютага 2013 года паводле арт.159 ч.1, ч.2, арт.30 ч.3, арт.69 ч.2 Крымінальнага кодэкса РФ да двух гадоў і шасці месяцаў калоніі-пасялення за махлярства.
Адзначаецца, што беларус-уцякач "з'яўляецца добрым псіхолагам, умее ўцерціся ў давер да незнаёмых яму людзей з мэтай учынення ашуканскіх дзеянняў".