Расейцы рыхтуюцца збудаваць 50-кіламетровы роў на ўчастку мяжы з Украінай
21- 10.02.2015, 14:14
- 21,186
Гэтая канструкцыя прызначаная для стварэння перашкоды руху транспартных сродкаў.
Памежная ўправа ФСБ РФ Бранскай вобласці абвясціла конкурс сярод падрадчыкаў, якія змаглі б вырыць супрацьтранспартны роў на мяжы рэгіёну з суседнімі ўкраінскімі абласцямі, паведамляецца на сайце дзяржзакупак.
Гэтая канструкцыя прызначаная для стварэння перашкоды руху транспартных сродкаў. Роў - гэта траншэя глыбінёй і шырынёй па 1,5 метра з кладкай абранага грунту ў бесперапынны земляны вал з аднаго боку, піша novosti.dn.ua.
Яго працягласць - 50 км (працягласць усёй мяжы - 354 км). Кошт работ - 10 млн рублёў, гаворыцца ў апісанні праекта.
Як паказана ў дакументах, дакладныя месцы выканання работ на мясцовасці будуць пазначаныя перад іх пачаткам. Работы плануецца праводзіць у памежных з Украінай раёнах - Клімаўскім, Старадубскім, Пагарскім, Суземскім і Сеўскім.