Войска Самалі 12 гадзін абложвала гатэль у Магадзіша
- 28.03.2015, 12:20
- 6,612
Урадавыя войскі Самалі ўзялі пад кантроль гатэль у цэнтры Магадзіша ў выніку аблогі, якая доўжылася больш за 12 гадзін.
Аб гэтым паведамілі ўлады краіны, паведамляе BBC.
Вядома, што 15 чалавек загінулі. Сярод іх - пасол Самалі ў Швейцарыі Юсуф Барыбары.
Паводле словаў капітана Махамеда Хусэйна, стральба спынілася, і службы бяспекі маюць доступ да ўсяго будынка, перадае AP.
У пятніцу, папулярны ў высокапастаўленых чыноўнікаў і дыпламатаў, гатэль захапілі баевікі ісламісцкай групоўкі "Аш-Шабаб". Яны праніклі ў будынак пасля таго, як каля ўваходу на тэрыторыю гасцініцы смяротнік падарваў аўтамабіль.