Землятрус у Непале: 16 загінулых, больш за 300 параненых
- 12.05.2015, 15:08
- 19,715
Колькасць загінулых у выніку новага землятрусу ў Непале ўзрасла да 16 чалавек, параненыя 335.
Аб гэтым паведамляецца ў запісе Нацыянальнага цэнтра надзвычайных сітуацый краіны ў сетцы мікраблогаў «Твітэр».
May 12 Quake Update-Injured details: Total Death(16); Injured(335)
— EarthquakeNepal-MoHA (@NEoCOfficial) 12 мая 2015
Нагадаем, у аўторак у Непале адбыліся яшчэ два землятрусы, з розніцай блізу паўгадзіны, якія выклікалі шматлікія разбурэнні і апоўзні і ў якія забралі, прынамсі, некалькі жыццяў. У выніку першага падземнага штуршка магнітудай 7,3 загінулі як мінімум чацвёра чалавек.
Паводле звестак сейсмолагаў, эпіцэнтр землятрусу размяшчаўся ў 68 кіламетрах на захад ад пасёлка Намчэ-Базар на ўсходзе краіны, непадалёк ад мяжы з Кітаем і гары Эверэст. Яго ачаг залягаў на глыбіні 18,5 кіламетраў.
Праз паўгадзіны адбыўся яшчэ адзін землятрус магнітудай 6,3.
Падземныя штуршкі адчуваліся ў сталіцы Індыі Дэлі, а таксама ў Бангладэш. Адначасова з гэтым у Афганістане, непадалёк ад мяжы з Таджыкістанам, адбыўся трэці землятрус, магнітудай 4,6. З Афганістана паведамленняў аб ахвярах і разбурэннях пакуль не паступала.