Расейскі вайсковы карабель наблізіўся да межаў Латвіі
5- 15.05.2015, 15:15
- 3,995
Недалёка ад марской мяжы Латвіі ў пятніцу быў зафіксаваны расейскі вайсковы карабель.
Пра гэта паведамляюць Нацыянальныя ўзброеныя сілы Латвіі ў сваім «Твітэры».
«Узброеныя сілы 15 траўня зафіксавалі на адлегласці 6 марскіх міль ад латвійскай мяжы субмарыну класа расейскі вайсковы карвет «Зарэчны «класа» Тарантул», - гаворыцца ў паведамленні.
Вайсковыя караблі і самалёты РФ з пачаткам канфлікту ва Украіне і абвастрэннем стасункаў паміж Захадам і РФ усё часцей фіксуюць паблізу паветраных і марскіх межаў Балтыі, піша «Еўрапейская праўда».
Armed Forces on 15 MAY in LV EEZ 6 nmi from territ. waters spotted RU Navy's Tarantul-class corvette Zarechny.
— NBS (@Latvijas_armija) 15 мая 2015
Пры гэтым паветраную і марскую прастору дзяржаў яны не парушаюць, аднак у выпадку самалётаў гаворка ідзе пра пагрозу для грамадзянскай авіяцыі.
У краінах Балтыі і Вялікай Брытаніі неаднаразова заяўлялі, што палётамі сваіх самалётаў ля іх межаў Расея дэманструе сілу і тэстуе рэакцыю NАТO.