Аляксандр Ермаковіч: Чакалі напружанай барацьбы - так і атрымалася

Вынік гульні з вугорскім «Відэатонам» не стаў сюрпрызам для БАТЭ.

На прэс-канферэнцыі пасля заканчэння матчу галоўны трэнер барысаўчан Аляксандр Ермаковіч аддаў належнае спаборніку, паведамляе БелаПАН.

«Чакалі напружанай барацьбы - так і атрымалася. Было вельмі складана. Вядома, калі вядзеш 1:0, заўсёды крыўдна прапускаць напрыканцы. Але трэба аддаць належнае гаспадарам. Усё ж такі яны на нас добра націснулі. Мы не вытрымалі», - сказаў ён.

На пытанне, што стала для яго нечаканым падчас матчу, Ермаковіч адказаў:

«У прынцыпе, сюрпрызаў не было. Ведалі, што, калі заб'ем, гаспадары пойдуць наперад усімі сіламі, будуць ціснуць. Дрэнна тое, што мы не пакаралі за тое, што яны ішлі наперад, не з’арганізавалі контргульню».

Увечары 28 ліпеня ў Секешфехервары паміж барысаўскім БАТЭ і вугорскім «Відэатонам» прайшоў першы матч 3-га кваліфікацыйнага раўнду Лігі чэмпіёнаў УЕФА. Гульня пераможцу не выявіла - 1:1.