Протаіерэй РПЦ Чаплін прапанаваў стварыць «праваслаўную фінансавую сістэму»
- 29.07.2015, 12:38
- 11,858
Банкаўскія прадукты неабходна фармаваць, «зыходзячы з маральных прынцыпаў», мяркуе протаіерэй РПЦ Усевалад Чаплін.
Пра гэта ён заявіў у эфіры «Русской службы новостей». Са слоў Усевалада Чапліна, многія цяпер скардзяцца на банкі, бо праз крэдытаванне яны трапляюць «у кабалу».
Протаіерэй РПЦ мяркуе, што банкаўскія прадукты неабходна фармаваць, «зыходзячы з маральных прынцыпаў». «Чым далей мы будзем адыходзіць ад ліхвярства ў яго крайніх формах, тым больш здаровай будзе становішча не толькі ў эканоміцы, але і ў грамадстве», - упэўнены прадстаўнік РПЦ.
Святар прапануе адмовіцца ад сістэмы, у якой «грошы робяць грошы».
24 ліпеня РПЦ і падліковая палата РФ дамовіліся разам змагацца з карупцыяй і аднаўляць культурна-гістарычную спадчыну.
РПЦ з'яўляецца адной з найбуйнейшых праваслаўных цэркваў у свеце, колькасць яе вернікаў можа дасягаць 150 млн чалавек. У Канстытуцыі РФ замацаваны свецкі характар дзяржавы і аддзяленне рэлігійных аб'яднанняў ад яго.