Папа Рымскі Францыск наведаў канцлагер «Аўшвіц - Біркенаў»

Пантыфік сустрэўся з былымі зняволенымі нямецкага канцлагера ў Асвенцыме.

Папа Рымскі Францыск у былым нямецкім канцлагеры «Аўшвіц - Біркенаў» сустрэўся з былымі вязьнямі. Таксама пантыфік павітаў прэм'ер-міністра Польшчы Беату Шыдлу, паведамляе «Радыё Польшча».

Група з 12 былых зняволеных нямецкага канцлагера ў Асвенцыме і кіраўніца ўрада чакалі Папу Францішка каля Сцены смерці ў блоку 11.

Перад гэтым пантыфік у адзіноце блізу 10 мін правёў на лаўцы ў цішыні. Праз браму з надпісам «Аrbeit Macht Frei» Папа Рымскі таксама прайшоў адзін.

Нямецкі канцлагер у Аўшвіц быў створаны ў 1940 годзе. Да вызвалення ў 1945 годзе нацысты забілі ў ім больш за мільён чалавек, у асноўным габрэяў, але таксама і палякаў, цыган і савецкіх ваеннапалонных.