«Крумкачы» знялі настальгічны прома-ролік

У роліку футбалісты заклікаюць падтрымаць маладую сталічную каманду.

Футбольны клуб «Крумкачы» перад другім колам чэмпіянату Беларусі зняў настальгічны прома-ролік «Мы такія ж, як вы». У роліку футбалісты заклікаюць падтрымаць маладую сталічную каманду.

Аўтарам ідэі і рэжысёрам выступіў чалец клуба Віталь Карабань. У роліку паказаныя дзеці і падлеткі, якія гуляюць у дваровы футбол і мараць пра спорт і падтрымку гледачоў. У здымках відэа ўзялі ўдзел маленькія футбалісты са школы Patrick. Эпізадычныя ролі выканалі найлепшыя гульцы футбольнага клуба «Крумкачы» - Піліп Іваноў, Яўген Шыкаўка і Вячаслаў Глеб.

У нядзелю, 31 жніўня, «Крумкачы» правядуць сваю першую гульню пасля перапынку ў чэмпіянаце Беларусі супраць бабруйскай «Белшыны». Матч пачнецца а 17.00 на стадыёне ФК «Мінск».