14 кастрычніка беларусаў падтрымаюць на Вацлаўскай плошчы Прагі
2- 11.10.2007, 10:01
14 кастрычніка 2007 году ў Празе на Вацлаўскай плошчы каля помніка Сьвятому Вацлаву адбудзецца акцыя “ Беларусь у Эўропу”. Мэта акцыі – салідарнасьць з дэмакратычнымі сіламі на Беларусі. Пачатак а 14-й гадзіне.
Менавіта ў гэты дзень Еўрапейскі Марш "За свабоду!" пройдзе ў сталіцы Беларусі Менску. Ідэя правядзення Марша нарадзілася ў беларускай грамадзянскай супольнасці як рэакцыя на зварот Еўразвяза да ўрада і народа Беларусі.
Адначасова акцыі падтрымкі пройдуць у іншых краінах Эўропы і ў Амэрыцы. Такім чынам удзельнікі прадэманструюць сваю падтрымку ідэі неабходнасьці еўрапейскага выбару для беларускага народа.
