Нобелеўскую прэмію атрымала брытанская пісьменніца
- 11.10.2007, 14:54
Лаўрэатам Нобелеўскай прэміі па літаратуры за 2007 год стала брытанская пісьменніца Дорыс Лесінг. Яе імя абвясціў пастаянны сакратар Шведскай Каралеўскай акадэміі і сябар Нобелеўскага камітэта Хорас Энгдаль 11 кастрычніка. Узнагарода прысуджаная ёй з фармулёўкай "за поўнае скепсісу, страсці і празорчай сілы разуменне досведу жанчын".