МЗС Беларусі: «Казаць пра дату адкрыцьця офісу Эўракамісіі пакуль зарана»
- 11.10.2007, 15:17
Сёньня завяршаецца тэхнічны візыт дэлегацыі Эўрапейскай камісіі на чале з кіраўніком аддзелу Ўкраіны, Малдовы і Беларусі генэральнага дырэктара зьнешніх сувязяў Эўракамісіі Хільдэ Хардэман.
Прэсавы сакратар беларускага МЗС Андрэй Папоў сказаў, што з дэлегацыяй сустрэўся намесьнік міністра замежных справаў Валеры Варанецкі. Па словах Папова, “пытаньне адкрыцьця офіса Эўрапейскай камісіі па ранейшаму праходзіць унутрыдзяржаўны працэс узгадненьня і казаць пра дату адкрыцьця офісу пакуль дачасна”.
Дэлегацыя пацьвердзіла гатоўнасьць Эўразьвязу да больш цеснага супрацоўніцтва пры ўмове выкананьня афіцыйным Менскам 12 умоваў, якія выстаўлены Беларусі Эўразьвязам – паведамляе “Радыё Свабода”.
