У Беларусь вяртаюцца лектары таварыства «Знание»
1- 2.10.2007, 10:19
Беларускае таварыства «Знание» атрымала статус рэспубліканскага дзяржаўна-грамадскага аб'яднання. Як паведамілі ў прэс-службе кіраўніка Беларусі, указ пра гэта кіраўнік дзяржавы падпісаў 1 кастрычніка.
Новы статус дазволіць таварыству «Знание» эфектыўна ўзаемадзейнічаць з органамі ўлады ў правядзенні асветніцкай працы, інфармаванні насельніцтва аб дасягненнях навукі, адукацыі, культуры, а таксама арганізаваць лектарскія калектывы на месцах, падвысіць адказнасць зацікаўленых арганізацый за падбор лектарскіх кадраў, прафесійна рыхтаваць штатных працаўнікоў, умацаваць матэрыяльна-тэхнічную базу.
Усесаюзнае таварыства па распаўсюджванні палітычных і навуковых ведаў (з 1963 года – таварыства «Знание») было заснаванае навукоўцамі і грамадскімі дзеячамі СССР у ліпені 1947 года, а ў снежні 1947 года створанае беларускае рэспубліканскае аддзяленне таварыства «Знание» . Пасля распаду Савецкага Саюза грамадскае аб'яднанне “Беларускае таварыства «Знание» занесла значнае ўкладанне ў развіццё інтэлектуальнага патэнцыялу Беларусі, папулярызацыю навуковых ведаў, выхаванне ў грамадзян краіны патрыятызму.
