Лукашэнка просіць «палатнікаў» працаваць хутчэй
- 4.10.2007, 11:44
Старшыня «палаты прадстаўнікоў» Вадзім Папоў пераказаў «дэпутатам» просьбу Аляксандра Лукашэнкі скараціць час праходжаньня законапраектаў да 1 году – паведамляе «Радыё Свабода».
Цяпер некаторыя праекты законаў знаходзяцца ў «палаце прадстаўнікоў» па некалькі гадоў. Працу над новай рэдакцыяй закону "Аб друку" пачала яшчэ “палатка” папярэдняга скліканьня 5 год таму. А законапраекту няма ў парадку дня нават гэтай сэсіі.
Затое сёньня “дэпутатам” спатрэбілася меней 10 хвілінаў, каб прыняць у першым чытаньні дапаўненьні і зьмены ў Грамадзянскі і Працэсуальны кодэксы.
