Хельсінкскі камітэт: У Беларусі працягвае дзейнічаць рэпрэсіўны «палітычны» артыкул

У Беларусі застаюцца палітычна рэпрэсаваныя грамадзяне, і працягвае дзейнічаць крымінальны артыкул, якы прадугледжвае пакаранне ў выглядзе пазбаўлення волі за «дзейнасць ад імя незарэгістраванай арганізацыі».

РПГА «Беларускі Хельсінкскі Камітэт» вітае вызваленне палітвязняў Аляксандра Казуліна, Сяржука Парсюкевіча і Андрэя Кіма. Пры гэтым праваабаронцы паказваюць на прысуд, вынесены па «справе 14», паводле якога моладзевыя актывісты былі прысуджанымі да розных тэрмінаў абмежавання волі, а таксама штрафаў.

БХК лічыць, што крымінальны пераслед і санкцыі, ужытыя да фігурантаў «справы 14», відавочна не супамерныя з здзейсненым дзеянням і іхнімі наступствамі. Нараўне з ходам папярэдняга расследвання і судовага разгляду гэта сведчыць аб палітычнай матывацыі вынесенага прысуду. БХК заклікае кампетэнтныя беларускія судовыя ворганы перагледзець яго.

РПГА «Беларускі Хельсінкскі Камітэт» лічыць, што асноўнай прычынай падобнага роду разглядаў з'яўляецца недасканаласць беларускага заканадаўства аб масавых мерапрыемствах, супярэчнага Канстытуцыі краіны і міжнародным абавязкам, а таксама рэпрэсіўны характар крымінальнага заканадаўства ў гэтай частцы.

Таксама БХК у чарговы раз зважае на неканстытуцыйнасць арт.193-1 УК РБ, які дазваляе прымаць крымінальныя санкцыі супраць самаарганізавалых людзей, чыя дзейнасць не накіраваная на прычыненне шкоды дзяржаўнай або грамадзкай бяспекі, парушэнне грамадзкага парадку або парушэнне правоў і свабодаў іншых асобаў.

РПГА «Беларускі Хельсінкскі Камітэт» заклікае беларускія ўлады прывесці нацыянальнае заканадаўства і практыку ягонага ўжывання ў адпаведнасць з Канстытуцыяй і ўзятымі на сябе міжнароднымі абавязкамі з мэтай забеспячэння грамадзянам магчымасці рэалізоўваць свае правы.