Казулін сустрэўся з дэпутатамі Эўрапарламэнта
1- 16.09.2008, 17:00
Былы палітвязень Аляксандар Казулін выступіў перад дэпутатамі Эўрапарлямэнту ў Брусэлі. Вёў спатканьне польскі эўрадэпутат, старшыня дэлегацыі па стасунках зь Беларусьсю Яцэк Пратасэвіч.
На сустрэчы прысутнічаў беларускі палітоляг Алесь Лагвінец.
“Сустрэча была вельмі цёплая, эўрадэпутаты віталі Аляксандра Казуліна. Ён меў выступ перад дэлегацыяй па стасунках зь Беларусьсю. Таксама Казулін правёў прэсавую канфэрэнцыю, на якой агучыў пазыцыю Аб’яднаных дэмсілаў наконт магчымасьцяў правядзеньня дыялёгу зь беларускімі ўладамі, наконт выбарчай кампаніі, наконт таго, на якіх падставах павіннен грунтавацца дыялёг зь сёньняшнім афіцыйным Менскам”, -- паведаміў Лагвінец “Польскаму радыё”
Аляксандар Казулін падкрэсьліваў, што вельмі важна, каб Эўропа грунтавала стасункі зь Беларусьсю на падставе маральных каштоўнасьцяў.
