Шасцёра гульцоў менскага гандбольнага клуба СКА, магчыма, захварэлі на свіны грып

У мінулую сераду павінен быў адбыцца матч мужчынскага чэмпіянату Беларусі па гандболе паміж «Вікторыяй-Регіяй» (Менск) – СКА (Менск).

Аднак, як нагадвае газета «Наша Ніва», сустрэча была адмененая ў сувязі з эпідэміяй, якая «скасіла» армейскі клуб пасля вяртання з еўракубкавага матчу на Кіпры.

Шасцёра гульцоў СКА захварэлі на невядомую вірусную інфекцыю. Не выключаецца, што гэта свіны грып.

Варта адзначыць, што галоўны эпідэміёлаг узброеных сілаў адправіў усю каманду на сямідзённы карантын.