На сустрэчы з Тапіёлам Козік нічога не сказаў пра масавыя скарачэнні на заводах

У беларускім грамадстве няма сацыяльнай напружанасці, выкліканай праблемамі ў працоўнай сферы, запэўнівае кіраўнік афіцыйных прафсаюзаў.

Пра гэта Леанід Козік заявіў падчас сустрэчы з выканаўчым дырэктарам Міжнароднага бюро працы Кары Тапіёлам.

«Эканоміка Беларусі пакуль трымаецца на ўзроўні 100% ВУП да ўзроўня 2008 года, ёсць надзеі, што глыбокага падзення не будзе», - сказаў кіраўнік Федэрацыі прафсаюзаў беларускай. У сувязі з гэтым ён адзначыў, што ў Беларусі было зроблена максімальна шмат, каб не дапусціць сацыяльнай напружанасці ў працоўнай сферы, пераде «Інтэрфакс».

Ён патлумачыў, што, па-першае, у Беларусі не планаваліся і не праводзіліся масавыя звальненні. «Ёсць частка людзей, якія працуюць няпоўны працоўны тыдзень, але масавых звальненняў працоўных няма і не было», - заявіў старшыня ФПБ. На яго думку, гэта папярэдзіла ўзнікненне сацыяльнай напружанасці.

Між тым, Козік канстатаваў падзенне прыбыткаў працоўных. «Прычынай гэтага стала змяншэнне адпрацаванага часу, а таксама скарачэнне зарабатнай платы, выкліканае зніжэннем экспарту беларускай прадукцыі», - дадаў ён.

На думку Козіка, у 2010 годзе «людзі на прадпрыемстве могуць планаваць свае бюджэты з упэўненасцю, што прыбытак будзе стабільным». У гэтай сувязі ён сказаў, што ФПБ лічыць, што мінімальная зарабатная плата мусіць пастаянна расці.

Ён дадаў, што на сёння мінімальная зарабатная плата менш на 7% за пражытачны мінімум. «Думаем, да канца гэтага года гэты дысбаланс будзе ліквідаваны», - адзначыў старшыня ФПБ.

У сваю чаргу, Тапіёла падкрэсліў, што ва ўмовах фінансава-эканамічнага крызісу пытанні занятасці вельмі важныя як у эканамічным, так і палітычным плане. «Зараз эканамічны крызіс стаў крызісам занятасці, і любое рашэнне, якое па максімуму захоўвае працоўныя месцы і зарабатныя платы, з’яўляецца правільным», - рэзюмаваў Тапіёла.

Сайт www.charter97.org нагадвае, што ўсяго два тыдні таму ў інтэрв’ю газеце «Советская Белоруссия» кіраўнік ФПБ Леанід Козік заявіў літаральна наступнае: «Наш маніторынг паказвае: каля 300 тысяч чалавек працуюць у рэжыме непоўнай занятасці. Гэта лічба нашмат больш жорсткая за тую, якой аперуюе ўрад. Але што больш за ўсё нас хвалюе: прыкладна 40 адсоткаў з гэтых 300 тысяч увогуле не атрымліваюць грошы. Яны знаходзяцца ў адпачынках за свой кошт. І гэта, натуральна, абсалютна ненармалёва».

Паводле лідэра Беларускага кангрэса дэмакратычных прафсаюзаў Аляксандра Ярашука, бліжэйшым часам людзей, якія працуюць непоўны працоўны тыдзень, не паменее. Акрамя таго ў лічбу ў 300 тысяч, названую Козікам, лідэр незалежных прафсаюзаў не верыць.

Ярашук заяўляе, што ў рэжыме непоўнай занятасці працуе значна больш жыхароў Беларусі. Аднак, ён згодны з тым, што каля 40% з гэтых людзей знаходзяцца ў вымушаных адпачынках за свой кошт. А гэта, нават па афіцыйных звестках, 120 тысяч чалавек, якія ўвогуле не атрымліваюць ніякай зарплаты. Іх колькасць, паводле яго словаў, будзе расці.