Слуханні па справе забойцаў «пухавіцкага падпальшчыка» прызначаныя на 7 красавіка

Гомельскі абласны суд прызначыў дату слуханняў крымінальнай справы па абвінавачванні чатырох жыхароў вёскі Пухавічы Жыткавіцкага раёна ў забойстве аднавяскоўца.

Першае паседжанне запланаванае на 7 красавіка. Слуханне справы плануецца правесці ў Гомельскім абласным судзе.

Забойства 50-гадовага жыхара вёскі Пухавічы адбылося ў канцы 2008 года. Затрыманыя па абвінавачванні ў здзяйсненні злачынства чацвёра мясцовых жыхароў, у тым ліку жанчына, прызналіся ў здзейсненым. Па паказаннях абвінавачваных падчас папярэдняга расследавання, шматлікія годы пацярпелы, які меў шэсць судзімасцяў, нібыта «трымаў у страху вёску, падпальваючы прыватныя падворкі».

У канцы мінулага года ён быў затрыманы па падазроне ў здзяйсненні чарговага падпалу, але праз суткі за адсутнасцю доказаў быў адпушчаны дадому. Гэта і стала падставай да таго, што трое мясцовых жыхароў, якім ён пагражаў напярэдадні, вырашыліся на гвалт. Па дарозе ў вёску яны спынілі яго і здзейснілі ўдары абухом сякеры, якія сталі прычынай смерці вяскоўца.