У Чылі выдалі ордэр на арышт 129 супрацоўнікаў спецслужбаў
20- 2.09.2009, 11:06
Ордэр на арышт хаўруснікаў нябожчыка дыктатара Аўгуста Піначэта выдаў чылійскі суддзя Віктар Манцілья.
Папярэдне, гэтыя людзі працавалі ў таемнай паліцыі і датычныя да знікнення сотняў прыхільнікаў апазіцыі ў 1970-х гадах, паведамляе «Інтэрфакс» са спасылкай на агенцтва ЭФЭ.
Мясцовыя ўлады адзначаюць, супольнікі Аўгуста Піначэта, якіх шукаюць, дагэтуль ні разу не паўставалі перад судом у межах слуханняў па справах, звязанымі са злачынствамі, здзейсненымі ў часы кіравання гэтага дыктатара.
Нагадаем, што ў гады дыктатуры ў Чылі загінулі каля 3 тыс. чалавек, з якіх 1,2 тыс. лічацца зніклымі без весткі. Самому Піначэту атрымалася пазбегнуць пакарання за зробленыя злачынствы. У канцы 2006 года дыктатар памёр, аблытаны сеткай судовых працэсаў, але не прысуджаны ні па воднаму з іх. Пасля смерці з Піначэта былі знятыя ўсё абвінавачванні.