Фільм пра «супрацоўнікаў» менскай бібліятэкі атрымаў прыз у ЗША (Відэа)

Фраза з фільма «Вы не можаце быць разумней за Яго. Вам патрэбная лёгкая карэктыроўка IQ!» відавочна стане крылатай.

Аня Слатвінская, студэнтка тэатральнай лабараторыі Fortinbras пры Беларускім Свабодным тэатры, атрымала галоўны прыз на конкурсе аматарскага нуар-відэа, які праходзіць у ЗША.

Асноўнай умовай конкурсу быў стыль нуар, наяўнасць у сюжэце тэмы IQ і фармат ад 1 да 5 хвілінаў. Ва ўзнагароду пераможца атрымала камплект парта-светлавога абсталявання для здымкі. У фільме зняліся акцёры Беларускага Свабоднага тэатра Дзяніс Тарасенка і Алег Сідорчык.