Саша Барон Коэн сыграе зрынутага дыктатара і казлапаса

Стваральнікі псеўдадакументальных камедыяў «Борат» і «Бруна» рыхтуюць наступны праект - фільм рэжысёра Лары Чарльза і акцёра Сашы Барона Коэна будзе называцца «Дыктатар».

Як перадае NEWSru.com, вытворчасцю фільма зоймецца студыя Paramount, якая заваявала фарсавага акцёра трукам цалкам у яго духу: у яго агенцтва адправілі двух казлоў, апранутых у майкі з лагатыпам кампаніі. Паводле забаўнага супадзення, адным з персанажаў, якіх згуляе Коэн у «Дыктатары», будзе якраз казлапас.

Іншай роляй коміка ў гэтым фільме будзе зрынуты дыктатар, які згубіўся ў чужой краіне. Абедзве гісторыі будуць развівацца паралельна.

Іншых падрабязнасцяў пра сюжэт фільма пакуль не паведамляецца, вядома толькі, што ён будзе ў значна большай ступені пабудаваны на класічных сцэнарных прынцыпах у адрозненне ад папярэдніх карцінаў, дзе пераважала інтэрактыўнасць.

У напісанні сцэнара прыняў актыўны ўдзел сам Коэн, здымкі плануецца распачаць адразу пасля заканчэння працы акцёра над «Вынаходніцтвам Х’юга Кабрэ» (The Invention of Hugo Cabret) Марціна Скарсэзэ.

У верасні гэтага года таксама стала вядома, што Саша Барон Коэн зацверджаны на ролю Фрэдзі Мэрк’юры ў баёпіку знакамітага музыкі. Здымкі фільма распачнуцца ў 2011 годзе.