Пуцін зняў Шайгу з пасады міністра абароны РФ

Кіраўнік РФ прапанаваў на пасаду міністра абароны Белавусава.

Кіраўнік РФ Уладзімір Пуцін прапанаваў прызначыць Андрэя Белавусава, які займаў пасаду першага намесніка старшыні ўраду РФ, міністрам абароны краіны, паведамляецца ў тэлеграм-канале Рады Федэрацыі.

Да гэтага часу расейскую абаронную ўстанову з 6 лістапада 2012 года ўзначальваў Сяргей Шайгу.

Шайгу адзіны міністр з сілавога блоку, якога прэзідэнт РФ прапанаваў не перапрызначаць.

Свае пасады ва ўрадзе РФ захаваюць кіраўнік МУС Уладзімір Калакольцаў, кіраўнік МНС Аляксандр Куранкоў, кіраўнік МЗС Сяргей Лаўроў, міністр юстыцыі Аляксандр Чуйчанка.