Сёння на БТ у 19.00 выступіць Андрэй Саннікаў

Упершыню за 16 гадоў дыктатуры беларусы змогуць убачыць у прамым эфіры выступ лідара апазіцыі Андрэя Саннікава.

Выступ кандыдата ў прэзідэнты Беларусі пачнецца ў 19.00 на Першым тэлеканале БТ. Зварот Андрэя Саннікава павінен прагучаць у прамым эфіры.

Паводле лёсавання эфірнага часу лідар грамадзянскай кампаніі «Еўрапейская Беларусь» Андрэй Саннікаў павінен выступіць на Першым нацыянальным тэлеканале БТ 24 лістапада ў 19.00 і 1 снежня ў 19.30. На Першым канале нацыянальнага радыё 26 лістапада ў 6.10 і 3 снежня ў 6.40.