Акцыя салідарнасці з беларусамі прайшла ў Варшаве (Фота)
1- 17.02.2010, 16:51
16 лютага беларускія студэнты, якія навучаюцца ў Польшчы, прыйшлі да будынку амбасады Беларусі ў Варшаве.
Удзельнікі акцыі выказалі салідарнасць з беларускімі палітвязнямі Мікалаем Аўтуховічам, Уладзімірам Асіпенкам, Арцёмам Дубскім і арыштаванымі лідэрамі Саюза палякаў Беларусі Анджэем Пачобутам, Ігарам Банцарам, Мечыславам Яскевічам, паведамляе сайт «Еўрапейская Беларусь».
На слупах і дрэвах побач з беларускай амбасадай з'явіліся бел-чырвона-белыя стужкі. Ля ўваходу былі пастаўленыя запаленыя свечкі.
