Лукашэнка ліквідаваў савет дырэктараў Нацбанка
10- 2.02.2010, 9:49
Указам ад 28 студзеня 2010 года №53 беларускі кіраўнік скасаваў савет дырэктараў Нацыянальнага банка.
Функцыі, якія выконваліся саветам дырэктараў Нацбанка, Аляксандр Лукашэнка ўсклаў на праўленне галоўнага банка краіны, паведамляе АФН.
Дакумент падпісаны «у мэтах удасканалення кіравання дзейнасцю Нацыянальнага банка».
Пры гэтым заканадаўча вызначана, што прадстаўнік урада можа прымаць удзел у паседжаннях Праўлення Нацыянальнага банка з правам дарадчага голасу. Акрамя таго, старшыні Праўлення Нацыянальнага банка ці па яго даручэнні аднаму з яго намеснікаў таксама дадзенае права прымаць удзел у паседжаннях Прэзідыюма Савета міністраў Рэспублікі Беларусь з правам дарадчага голасу.
