У Беларусі навучыліся рабіць джынсы і брызент з лёну (Відэа)
9- 5.03.2010, 14:18
З-за крызісу на ільнокамбінаце ў Оршы сталі асвойваць выпуск незвычайнай прадукцыі.
Паўтара года таму пасля рэзкага падзення экспарту на ільнокамбінаце наступілі цяжкія часы. Зараз спецыялісты ў пошуку інавацыйных шляхоў развіцця, перадае тэлеканал СТВ.
Буйному тэкстыльнаму прадпрыемству зараз з цяжкасцю ўдаецца ўтрымацца на плаву. На дно цягнуць уласныя ж складскія запасы. Рэшткаў на складзе - на 60 мільярдаў рублёў. Флагман беларускай ільноперапрацоўкі «сеў на мель» больш за год таму, калі продажы, асабліва экспартныя, рэзка скараціліся.
- На жаль, за гэты час нам мы не здолелі кардынальна змяніць сітуацыю па змяненні кан'юнктуры на рынку, гэта складана зрабіць, - адзначае Ігар Ешчанка, начальнік упраўлення распрацоўкі асартыменту і продажу гатовых вырабаў Аршанскага ільнокамбіната.
Каб хоць неяк разгрузіць склады, спецыялістам ільнокамбіната давялося вучыцца прадаваць. Сёння экспартныя межы пашырылі. Аказалася, на беларускі лён ёсць попыт нават у Японіі і Бразіліі. Вялікую стаўку аршанскія тэкстыльшчыкі робяць на новую распрацоўку. Нядаўна яны навучыліся перапрацоўваць ільняныя адходы ў брызент і модны джынс.
Плашч з ільнянога джынсу - ноў-хаў Аршанскага льнокамбіната. Унікальную тканіну навучыліся атрымліваць спецыяльным метадам з кароткіх валокнаў, якія раней ішлі на адходы. Пакуль, гэта пробная партыя. Але калі тэхналогію паставяць на паток, мы будзем насіць плашчы, касцюмы, сукенкі і нават шапкі з ільнянога дэніму, адзначае СТВ.
Вырабляюць навінку ў гэтым мадэрнізаваным цэху. На ўкараненне высокіх тэхналогій сышлі дзесяткі мільярдаў дзяржаўных субсідый. У сучасных машын маса пераваг. Тканіна атрымліваецца мяккая і тонкая. А ўмовы працы непараўнальныя са старымі цэхамі, якім толькі трэба абнаўленне. Але ў бочцы мёду ёсць і лыжка дзёгцю - зарплата працоўных невялікая, перадае тэлеканал.
- Так усё задавальняе, усё нармальна. Але зарплата... Хацелася б, вядома, каб была большая, - кажа Наталля Рубцова, аператар паточнай лініі Аршанскага ільнокамбіната.