Ярмошына: На Лукашэнку будзе аказвацца міжнародны ціск

Старшыня Цэнтравыбаркаму Беларусі Лідзія Ярмошына не выключае ўплыву знешніх фактараў на правядзенне ў краіне прэзідэнцкіх выбараў.

«Я думаю, што цяжар усёткі будзе не ўнутры краіны, а звонку», - заявіла Лідзія Ярмошына, каментуючы на просьбу агенцтва «Інтэрфакс» выказванні Аляксандра Лукашэнкі пра тое, што прэзідэнцкая кампанія, якая мае быць, «будзе вельмі цяжкой».

«Думаю, кіраўнік дзяржавы меў на ўвазе нейкі міжнародны ціск, пра які ён лепш інфармаваны, чым я», - сказала Ярмошына.

Як паведамлялася раней, размаўляючы з жыхарамі Петрыкаўскага раёна Гомельскай вобласці падчас працоўнай паездкі, Аляксандр Лукашэнка заявіў, што хуткія прэзідэнцкія выбары будуць цяжкімі.

«Расслабляцца нам ні ў якім выпадку нельга. Наперадзе ў нас асноўная кампанія, гэта будзе вельмі цяжкая кампанія. Вельмі цяжкая. І калі ў гэтай кампаніі прыйдзецца ўдзельнічаць дзеючаму прэзідэнту, дык яна будзе яшчэ цяжэй», - адзначыў Лукашэнка. «Таму што вы бачыце, камусьці тут не падабаецца дзеючы прэзідэнт. Камусьці не ў лад на Захадзе і Усходзе. Натуральна, рукі свярбяць. Хочацца сюды ўлезці», - сказаў Лукашэнка. «Я на конт гэтага не вельмі перажываю, проста вам кажу, што расслабляцца не трэба», - адзначыў беларускі кіраўнік.

Акрамя таго, дадаў Лукашэнка, «расслабляцца вам не трэба яшчэ і таму, каб не адбылося тое, што адбываецца ў іншых рэспубліках, тое, што нядаўна адбылося ў Кыргызтане».