Рабаўнік банка «Масква-Мінск» так і не знойдзены
15- 30.06.2010, 17:55
Следства адпрацоўвае ўсе наяўныя версіі рабавання філіяла банка «Масква-Мінск», заяўляе кіраўнік МУС.
«Пакуль што падазроны не затрыманы, следства адпрацоўвае ўсе наяўныя версіі», - паведаміў агенцтву Interfax.by міністр унутраных спраў Беларусі Анатоль Куляшоў. Пры гэтым ён дадаў, што для расследавання дадзенага злачынства створана следча-аператыўная група, у якую ўвайшлі супрацоўнікі шэрагу падраздзяленняў органаў унутраных спраў.
А. Куляшоў таксама адзначыў, што «ў следства ёсць пэўныя перспектывы». Раскрыццё дадзенага злачынства знаходзіцца ў яго на кантролі, падкрэсліў кіраўнік МУС.
Як раней паведамляла агенцтва са спасылкай на ГУУС Менска, 31 траўня ў 13 гадзін 3 хвіліны на пульт аддзела дэпартамента аховы Маскоўскага раёна паступіла паведамленне аб спрацоўванні кнопкі трывожнай сігналізацыі ў Цэнтры банкаўскіх паслуг банка «Масква-Мінск», размешчаным па вул. Ясеніна, 30.
«Супрацоўнікі міліцыі, якія прыбылі на месца, пастанавілі, што ў 12 гадзін 57 хвілін невядомы, пагражаючы двума прадметамі, падобнымі на пісталеты, здзейсніў разбойны напад.
Злачынец, пагражаючы супрацоўнікам гэтага цэнтра, скраў $5200 тыс., 4100 еўра і 516 тыс. расейскіх рублёў», - удакладнілі ў ГУУС.
Па факце разбойнага нападу на банк «Масква-Мінск» узбуджаная крымінальная справа па арт. «Разбой», падазроны пакуль не затрыманы.
