Да канца ліпеня спякота будзе толькі павялічвацца

Беларускія сіноптыкі прагназуюць далейшае павышэнне тэмпературы паветра па ўсёй тэрыторыі Беларусі.

«Па папярэдняму прагнозу, павышэнне тэмпературы паветра ў Беларусі будзе працягвацца. Учора па рэспубліцы было да 32 градусаў, сёння 27-33 градусы цяпла, у чацвер-пятніцу чакаецца далейшае падвышэнне тэмпературы», паведаміла агенцтву «Інтэрфакс» у аўторак галоўны сіноптык Рэспубліканскага гідраметэацэнтра Вольга Фядотава.

«Не выключана, што месцамі да канца тыдня тэмпература паветра дасягне 36 градусаў. Калі такое адбудзецца, мы зробім папярэджанне аб небяспечнай прыроднай з'яве. Пакуль што высокая тэмпература паветра, якая назіраецца па ўсёй рэспубліцы, кваліфікуецца спецыялістамі як неспрыяльны з'ява», сказала суразмоўца агенцтва.

В. Фядотава таксама адзначыла, што «у пачатку наступнага тыдня спякота крыху спадзе, але не выключана, што пасля гэтага будзе новы віток спёкі. Істотнага паніжэння тэмпературы можна чакаць да канца ліпеня».

Спякоту ў Беларусь прынеслі субтрапічныя паветраныя масы, паведаміла В. Фядотава, удакладніўшы, што «пакуль кліматычных рэкордаў па спякоце ў Беларусі не зарэгістравана». Перавышэнне сярэдняй тэмпературы паветра назіраецца на 8 градусаў, адзначыла яна.