З-за ўрагану спыняліся цягнікі

Цягнікі «Менск-Анапа» і «Менск-Феадосія» былі спыненыя ў выніку падзення дрэваў на чыгуначныя рэйкі.

У выніку падзення дрэваў на чыгуначнае палатно, у аўторак у Магілёўскай вобласці адбыліся затрымкі двух электрацягнікоў і двух пасажырскіх цягнікоў, паведамілі агенцтву «Інтэрфакс-Захад» у МНС Беларусі.

«У 19.20 на чыгуначным перагоне «Талька-Вярэйцы» Асіповіцкага раёна Магілёўскай вобласці ў выніку падзення дрэваў на чыгуначнае палатно адбыліся затрымкі (да 1 гадзіны 35 хвілінаў) у руху 2 электрацягнікоў (накіраваннем Менск- Асіповічы) і 2 пасажырскіх цягнікоў (накіраваннем Менск-Анапа і Менск-Феадосія)», паведамілі ў МНС.

«Пацярпелых няма. Аварыйнымі брыгадамі вядуцца аднаўленчыя працы», - удакладнілі ў міністэрстве.