Менскі чыгуначны вакзал зачынены з-за невядомага пакета
4- 20.08.2010, 11:21
Міжнародныя касы Менскага чыгуначнага вакзала сёння раніцай былі ачэпленыя.
Нагодай для гэтага стаў невядомы пакет, пакінуты ля касаў.
Але, па словах дырэктара вакзала Уладзіміра Грыгаровіча, падставаў для хвалявання няма.
«Не, гэта не мініраванне. Быў знойдзены нявызначаны пакет, без гаспадара. Пасажыраў не падпускаюць, у цяперашні час правяраюць, што там знаходзіцца» – паведаміў дырэктар вакзала «Еўрарадыё».
