Сяргей Вазняк "адаптаваўся" да ўмоваў СІЗА
3- 14.01.2011, 13:06
13 студзеня адвакат Ларыса Атаманчук ўдзельнічала ў следчых дзеяннях з удзелам свайго падабароннага даверанай асобы кандыдата ў прэзыдэнты Ўладзімера Някляева - Сяргея Вазняка.
"Выглядае добра, адчувае сябе добра. Умовы цяжкія, але адаптаваўся да ўмоваў СІЗА і ўспрымае знаходжанне там як службу ў войску", - распавяла Ларыса Атаманчук "Белорусскому партизану".
Сяргей Вазняк, затрыманы раніцай 20 снежня, змешчаны ў СІЗА КДБ, яму прад'яўленае абвінавачванне ў арганізацыі і ўдзеле ў масавых беспарадках. З моманту затрымання да гэтага часу знаходзіцца ў СІЗА КДБ.
Як сказала Ларыса Атаманчук, у Сяргея Вазняка знаходжанне ў СІЗА КДБ асацыююцца з месцам вучобы - Свярдлоўскім вайскова-палітычным танкавым вучылішчам.
Падабаронны здаровы, ў леках не мае патрэбы. Ва ўсякім выпадку, перадачы Сяргею Вазняку даходзяць.
